Charter Document - 06810027
| Charter Number: | 06810027 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 - 1312 |
| Date type: | Assigned |
| Resource Link(s): |
|
Charter:
Omnibus Cristi fidelibus ad [quos] presens scriptum pervenerit Thomas de Chaworth miles salutem in Domino sempiternam Noverit universitas vestra me divino amore et pro salute anime mee antecessorum et successorum meorum dedisse concessisse et hoc presenti scripto confirmasse Deo et beate Marie et ecclesie beati Thome martiris de Bello Capite abbati et conventui et eorum successoribus ibidem Deo servientibus quoddam assertum quod Robertus Forester quondam de me tenuit juxta bercariam dictorum canonicorum ut iacet in longitudine et latitudine et tres acras terre arabilis quas Robertus de Childre de me tenuit infra claustrum dictorum canonicorum et octo acras et dimidiam quas Ranulfus de Storthes de me tenuit et iacent inter terram Sampsonis et terram Roberti Scarlet et quinque acras et dimidiam quas Ricardus Everard quondam de me tenuit inter terram Roberi Scarlet et viam ducentem versus Byrchewod in territorio de Alferton Tenendum et habendum predictis abbati et conventui de Bello Capite et eorum successoribus in liberam puram et perpetuam elemosinam sine aliqua diminucione vel impedimento mei vel heredum meorum Et ego vero dictus Thomas de Chaworth et heredes mei totum dictum assartum cum predicta terra predictis abbati et conventui et eorum successoribus contra omnes gentes warantizabimus acquietabimus et inperpetuum defendemus In cuius rei testimonium presenti scripto sigillum meum apposui Hiis testibus domino Willelmo de Chaworth Johanne de Ainesley Rogero de Somervile Willelmo de Huffton Hugone de canonice Roberto Scerlet Willelmo forestar Willelmo Pecke tunc senescallo Thoma clerico et multis aliis