Charter Document - 06810025
| Charter Number: | 06810025 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 - 1312 |
| Date type: | Assigned |
| Resource Link(s): |
|
Charter:
Omnibus Cristi fidelibus hoc presens scriptum visuris vel audituris Thomas de Chaworth dominus de Norton salutem in Domino Noveritis me pro salute anime mee et omnium antecessorum et successorum meorum dedisse concessisse et hac presenti carta mea confirmasse in liberam puram et perpetuam elemosinam abbati et conventui monasterii sancti Thome martiris de Bello Capite totam illam placeam terre sine ullo retene mento que vocatur Eyclyfe sicut iacet in longitudine inter terram quam idem abbas et conventus tenent et terram quam Thomas filius Johannis de bosco tenet et dilatat se a terra dictorum abbatis et conventus ascendendo usque ad terram arabilem super collem versus austrum pro qua eciam placeam terre Ricardus filius Adam solvit michi olim decem et octo denarios annuatim Tenend[um] et habend[um] dictis abbati et conventui et eorum successoribus inperpetuum libere quiete et integre cum bosco supercrescente et aliis aisiamentis suis in liberam puram et perpetuam elemosinam ad assartandum si velint et omnem comodum suum inde faciendum Et ego dictus Thomas et heredes mei seu assignati dictam placeam terre cum bosco et aliis aisiamentis suis ut dictum est dictis abbati et conventui et eorum successoribus in liberam puram et perpetuam elemosinam contra omnes gentes warantizabimus aquietabimus et inperpetuum defendemus In cuius rei testimonium huic carte sigillum meum apposui Hiis testibus Rogero del Clyfe Thoma de Wodhous Petro de Bernis Johanne de Birchevede Willelmo Matiny Thoma de Heton Johanne de Stubbeley et aliis