Charter Document - 06810024
| Charter Number: | 06810024 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 - 1283 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quorum noticiam presens scriptum pervenerit Thomas de Chaworth salutem in Domino Noveritis me pro salute anime mee et omnium antecessorum meorum dedisse concessisse et hac presenti carta mea confirmasse Deo et ecclesie beati Thome martiris de Bello Capite et canonicis ibidem Deo servientibus in liberam puram et perpetuam elemosinam unum toftum et croftum cum edificiis et pertinenciis suis in le Kocshite illud scilicet quod Johannes faber de me quondam tenuit et unum curtilagium in villa de Alferton juxta horreum dictorum canonicorum quod quidem tenuerunt tempore domini Roberti de Lathum prout eisdem infra fossatum assignatur Tenendum et habendum sibi et successoribus suis in liberam puram et perpetuam elemosinam inperpetuum Et ego vero Thomas et heredes mei predictum toftum cum crofto edificiis et omnibus aliis pertinenciis suis una cum pretitulato curtilagio dictis canonicis et successoribus suis contra omnes gentes warantizabimus acquietabimus et defendemus inperpetuum In cuius rei testimonium presenti carte sigillum meum apposui Hiis testibus domino Gervasio de Barnak Thoma Foleiambe de Tidiswelle Thoma de Mortorn clerico Hugone de Wodhows Thoma de Wodhous Johanne de Birchevede et aliis