Charter Document - 06810018

Sciant presentes et futuri quod ego Thomas de Chaworth miles dominus de Norton dedi concessi et hac presenti carta mea confirmavi Deo et monasterio beati Thome martiris de Bello Capite religiosis viris abbati et conventui eiusdem loci in liberam puram et perpetuam elemosinam pro salute anime mee et patris mei et matris mee uxorum mearum liberorumque meorum et pro sustentacione unius canonici eiusdem monasterii divina perpetuo celebranda ad altare sancte Crucis in ecclesia de Bello Capite predicta pro anima mea et animabus predictorum et omnium fidelium defunctorum et pro solemni servicio annuatim habendo inperpetuum sicut pro uno abbate defuncto totum illud hameletum in soca mea de Norton quod vocatur Grenhill sine ullo retene mento cum omnibus homagiis wardis releviis reditibus eschaetis sectis serviciis tam forinsecis quam aliis quibuscumque omnium libere tenencium meorum in hameleto de Grenhill predicto tam presencium quam futurorum cum omnibus approvamentis et aliis pertinenciis suis et cum omnibus nativis meis in ipso hameleto et cum terris et tenementis que de me tenuerunt in bondagio in eodem hameleto et extra cum sectis sequelis reditibus et serviciis consuetudinibus et catallis et omnimodis aliis approvamentis et pertinenciis suis infra hameletum de Grenhyll predictum et extra sine aliquo retene mento Dedi eciam Deo et monasterio de Bello Capite predicto et religiosis viris abbati et conventui eiusdem loci omnes nativos meos in les Wodsetes juxta Norton cum sectis sequelis reditibus et serviciis consuetudinibus et eorum catallis ac omnes terras nativas ac tenementa cum omnibus aliis approvamentis et pertinenciis suis que ipsi vel alii de me tenuerunt infra bundas de les Wodsetes predicte sine aliquo retene mento salvis michi tamen terris pratis cum boscis que Thomas de Bosco et Willelmus Tinett de me tenuerunt juxta aquam de Shava Habendum et tenendum Deo et monasterio predicto ac religiosis viris abbati et conventui predictis et eorum successoribus in liberam puram et perpetuam elemosinam cum pratis boscis pascuis pasturis moris turbariis quarariis mineris marlariis et omnimodis libertatibus communiis aysiamentis et aliis approvamentis et pertinenciis suis quibuscumque infra hameletum de Grenhyll et les Wodsetes predict et extra tam infra terram quam supra que michi et heredibus vel assignatis meis vel heredibus heredum et assignatorum meorum inde poterint accidere Et ego predictus Thomas et heredes et assignati mei et eorum heredes omnia predicta homagia wardas relevia redditus eschaetas sectas et servicia tam forinseca quam alia quecumque omnium libere tenencium meorum predictorum cum omnimodis approvamentis et pertinenciis suis ac eciam omnes nativos meos predictos cum omnibus terris et tenementis predictis et omnimodis eorum sectis sequelis reditibus et serviciis consuetudinibus et catallis et omnimodis aliis approvamentis et pertinenciis suis quibuscumque tam nominatis quam non nominatis sine aliquo retene mento Deo et monasterio predicto ac religiosis viris abbati et conventui predictis et corum successoribus in liberam puram et perpetuam elemosinam contra omnes gentes warantizabimus acquietabimus et inperpetuum defendemus In cuius rei testimonium presenti carte sigillum meum apposui Hiis testibus dominis Thoma de Furnivall Ada de Everingham Waltero de Gousill Ricardo de Fourneus Roberto de Eclessale militibus domino Rogero de Bralisford rectore ecclesie de Dronnfeld Willelmo le Brett Johanne Ayencourt Rogero le Breton Simone de Rerisby Johanne de Bremington Hugone de Lynacre et multis aliis