Charter Document - 06810016
| Charter Number: | 06810016 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1210 - 1230 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Robertus filius Willelmi de Alferton salutem in Domino Noverit universitas vestra me intuitu caritatis dedisse et concessisse et hac presenti carta mea confirmasse Deo et ecclesie sancte Marie de Campesse et sanctimonialibus ibidem Deo servientibus in puram et perpetuam elemosinam Rad[ulphum] prepositum de Wymundewaut cum tota secta sua et cum toto tenemento suo scilicet cum duabus bovatas terre cum pertinenciis suis in villa de Wimundewaut quas pater eius ante eum tenuit Habendum et tenendum inperpetuum libere et quiete integre pacifice et honorifice sine omni calumpnia mei vel heredum meorum salvo forinseco servicio scilicet quantum servicium pertinet ad duas alias bovatas terre liberioris terre eiusdem feudi Et ego et heredes mei warantizabimus predicte domui de Campesse predictum tenementum cum pertinenciis suis contra omnes homines et contra omnes feminas Et ut hec mea concessio et donacio rata et integra permaneat hoc scriptum sigilli mei apposicione corroboravi Hiis testibus fratre Stephano abbate de Beuchef magistro Johanne de Egidio persona de Foxton Johanne et Roberto capellanis de Campesse Willelmo de Huntingfeld Oseberto de Wachesh Roberto Picot Roberto Putrell de Wimundewaut Johanne clerico Rogero de Alreton Johanne le Poher Ricardo dispensatore et aliis