Charter Document - 06810013
| Charter Number: | 06810013 |
|---|---|
| Cartulary Title: | A Monastic Community in Local Society: The Beauchief Abbey Cartulary |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1210 - 1240 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus filius Willelmi de Alferton concessi et hac presenti carta mea confirmavi Rogero de Alreton pro homagio et servicio suo sex bovatas terre in villa de Wimundwolde quas Ranulfus frater meus ei dedit et duas bovatas quas dedi sanctimonialibus de Campesse et unam bovatam et dimidiam quas Ranulfus frater meus eisdem sanctimonialibus dedit cum pertinenciis et cum hominibus inhabitantibus et cum sequelis suis Tenendas sibi et assignatis suis et heredibus assignatorum suorum de me et heredibus meis in feudo et hereditate libere quiete et integre Reddendo inde annuatim michi et heredibus meis ad Pascha unum par calcarium deauratorum pro omni servicio et demanda ad me vel ad heredes meos pertinent[ibus] salvo forinseco servicio Ego autem et heredes mei predictas terras predicto Rogero et assignatis suis et heredibus eorum contra omnes homines et omnes feminas warantizabimus Ut hoc autem ratum permaneat hoc presenti scripto et sigilli mei munimine confirmavi Hiis testibus domino Waltero de Estweit Rogero de Mareisheye Roberto Putrell Rad[ulpho] le Poher Johanne clerico Henrico de Eadwalton Thoma de Bradfeld Ricardo dispensatore Johanne le Poher et multis aliis