Charter Document - 06801014

Sciant omnes tam presentes quam futuri quod Ego Malisius comes Strahern dedi concessi et hac presenti carta mea confirmaui Amabilie sorori mee ad ipsam maritandam totam terram de Kynkardyn in Kather leuenas que est juxta Hucterhardouer sine aliquo retine mento in bosco in plano in pratis in pascuis in moris et mariscis In stagnis et molendinis per omnes rectas diuisas suas et cum omnibus libertatibus aysiamentis et cum omnibus aliis justis pertinentiis ad dictam terram pertinentibus tenendam et habendam dicte Amabilie et heredibus suis de corpore suo exeuntibus de me et heredibus meis inperpetuum ita libere et quiete plenaria et honorifice ab omni seculari actione et demanda sicut aliquod maritagium in toto regno Scotie liberius quietius plenius et honorificencius ab aliquo comite uel barone tenetur et possidetur Faciendo inde forinsecum seruicium domini Regis quantum pertinet ad illam terram et Ego vero dictus Malisius comes Strahern et heredes mei dictam terram de Kyncardyn ut predictum est dicte Amabilie sorori mee et heredibus suis de corpore suo exeuntibus contra omnes homines et feminas warantizabimus acquietabimus et inperpetuum defendemus Et ut hec mea donatio et concessio et presentis carte mee confirmatio rata et stabilis permaneat huic scripto sigillum meum apposui Hiis Testibus domino Alexandro Comyn comite de Buchan tunc Justiciario Scotie domino Freskyno de Morauia domino Johanne de Dundemor domino Reginaldo le Chen domino Roberto de Walhopp domino Malcolmo de Morauia domino Willelmo de Ramesey domino Johanne de Wemes militibus Johanne de Kyndeloch Radulfo de [La]scles et aliis