Charter Document - 06801012
| Charter Number: | 06801012 |
|---|---|
| Cartulary Title: | Liber Insule Missarum: Abbacie Canonicorum Regularium Beate Virginis Et Sancti Johannis De Inchaffery Registrum Vetus |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1244 - 1258 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris Malesius comes de Strathern Salutem Noueritis universi me dedisse concessisse et hac presenti carta mea confirmasse Domino Gilberto de Haia militi et heredibus suis vel suis assignatis ita tamen ut nullum faciat assignatum nisi de suis liberis ex ipso genitis pro homagio et servitio suo totam terram que vocatur Hachlasky cum omnibus suis justis pertinentijs et rectis divisis ad predictam terram pertinentibus Tenendam et habendam de me et heredibus meis sibi et heredibus suis vel suis assignatis adeo libere quiete plenaria et honorifice sicut aliqua terra in regno Scocie liberius quiecius plenius et honorificentius de aliquo comite vel barone tenetur et possidetur in bosco et plano in pascuis et pasturis in moris et mariscjs in aquis et piscarijs in stagnis et molendinis in feris et avibus in montibus et collibus in vallibus et rupibus et in omnibus alijs aisiamentis ad predictam terram juste pertinentibus Reddendo inde annuatim ipse et heredes sui vel sui assignati michi et heredibus meis quedam calcaria deaurata vel sex denarios ad Pentecostem pro omni servitio consuetudine exactione et demanda seculari Salvo forinseco servitio domino Regi quantum pertinet ad terram prenominatam Ego vero dictus Malesius et heredes mei dicto Gilberto et heredibus suis vel suis assignatis terram pre nominatam pro servitio predicto michi et heredibus meis annuatim solvendo contra omnes homines et feminas warantizabimus acquietabimus et defendemus in perpetuum In cujus rei testimonium presentem cartam sigilli mei impressione roboravi Testibus venerabilibus patribus dominis Clemente episcopo Dumblanensi Alanus abbate de Insula Missarum dominis Gilberto de Glencarny Malcolmo de Moravia Gilberto de Ruthven Joachim de Knibet militibus Nicholao camerario Gilberto filio comitis Gilberto de Knibet Malesio filio Anecul Duncano de Durry Willelmo clerico et multis alijs
Source (click image below to view full size)
