Charter Document - 06792004
| Charter Number: | 06792004 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1217 - 1219 |
| Date type: | Assigned |
| Resource Link(s): |
People of Medieval Scotland |
Charter:
Vniuersis sancte Matris ecclesie filiis ad quos presens scriptum peruenerit Seherus de Quency Comes Wintonie salutem in domino eternam Nouerit vniuersitas vestra nos intuitu dei contu[li]sse et concessisse et hac presenti carta nostra confirmasse deo et sancte Marie et hospitali sancti Iohannis de Brackele et Canonicis et fratribus ibidem deo seruientibus ecclesiam de Gase cum omnibus pertinenciis suis cuius ius patronatus ad nos spectat in puram et perpetuam elemosinam pro anima patris nostri bone memorie Roberti de Quency et pro anima Matris nostre Orable et pro anima Roberti de Quency primogeniti nostri et pro salute anime nostre et Margarete vxoris nostre et omnium antecessorum et successorum nostrorum ad sustentacionem predictorum canonicorum et fratrum ibidem deo seruiencium et infirmis ministrancium Et vt hec nostra donacio et concessio rata et inconcussa inposterum perseueret presens scriptum sigilli nostri munimine duximus roborandum Hiis testibus domino Petro de Roches Episcopo Wyntoniensi Domino Willelmo Malueisin Episcopo sancti Andree Roberto filio Walteri Willelmo de Albeinr Willelmo de Huntingfelde et aliis