Charter Document - 06791118
| Charter Number: | 06791118 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1287 |
| Date type: | Internal, A.D., Feast |
| Resource Link(s): |
Reference Document for this Embedded Document People of Medieval Scotland |
Charter:
Omnibus cristi fidelibus has litteras inspecturis Willelmus miseracione diuina Episcopus Dunblanensis eternam in Domino salutem Noueritis quod cum confereremus vicariam ecclesie de strugethe vacantem per mortem magistri Ricardi quondam dicte ecclesie vicarii de iure et de facto credentes nos ius conferendi dictam vicariam habere ex relatu quorundam subditorum nostrorum tandem facta diligenti inquisicione per fide dignos omni excepcione maiores ac inspectis quibusdam publicis monumentis sigillis predecessorum nostrorum ac predecessorum domini Malisio comitis de stratherne signatis inuenimus dictos Religiosos clarum Ius presentandi habere et in possessione presentandi esse ad eandem Quare volentes ius suum vnicuique tribuere et nulli quod suum est auferre prout tenemur et artamur ex merito pastoralis officii ipsos predictos Religiosos ad presentandum ad vicariam dicte ecclesie et Ius presentandi ad eam decreuimus habere ac ad eorundem presentacionem nobis infra tempus a iure statutum factam Dominum Iohannem cappellanum dictum de Legirdwode ad dictam vicariam admisimus et in corporalem possessionem induci fecimus In cuius rei testimonium Sigillum nostrum autenticum presentibus apposuimus Datum apud abirbrothok die Dominica in festo sancti Mathei apostoli Anno gracie Millesimo Ducentesimo Octogesimo Septimo