Charter Document - 06790124
| Charter Number: | 06790124 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1318 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia Rex scottorum omnibus probis hominibus tocius terre sue tam clericis quam laicis salutem Sciatis nos pro salute anime nostre et pro salute animarum omnium antecessorum et successorum nostrorum Regum scocie Dedisse concessisse et hac presenti carta nostra confirmasse deo et beate Marie virgini et beato Johanni apostolo et euangeliste et Religiosis viris Abbati et conuentui de Insula missarum jus patronatus ecclesie de Kyllyn in Glendorithe Tenendum et habendum dictis Religiosis et eorum successoribus inperpetuum cum omnibus libertatibus commoditatibus aysiamentis et justis pertinencijs suis in liberam puram et perpetuam elemosinam adeo libere et quiete plenaria et honorifice sicut aliqua elemosina in Regno scocie per nos aut predecessores nostros aliquibus in elemosinam concessa liberius seu quiecius tenetur seu possidetur In cuius rei testimonium presenti carte nostre nostrum precepimus apponi sigillum Testibus Bernardo Abbate de Abbirbrothok cancellario nostro Willelmo de lyndesay camerario nostro Waltero senescallo scocie Jacobo domino de Dowglas Roberto de kethe Marescallo nostro Johanne Wissard et Allexandro de setone Militibus apud Beruycum super twedam Duodecimo die Aprilis Anno Regni nostri tercio decimo