Charter Document - 06790121
| Charter Number: | 06790121 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1314 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus dei gratia Rex scottorum omnibus probis hominibus tocius terre sue tam clericis quam laicis salutem Sciant presentes et futuri nos pro salute anime nostre et pro salute animarum predecessorum et successorum nostrorum regum scocie dedisse et concessisse et hac carta nostra irreuocabiliter confirmasse deo et ecclesie sancti Johannis apostoli et euangeliste de insula missarum et canonicis ibidem deo seruientibus et inperpetuum seruituris totam terram nostram de Cardny et de Dolcorachy in thanagio de Forteuyot cum pertinencijs Tenendam et habendam eisdem Religiosis in liberam puram et perpetuam elemosinam sine aliquo retine mento inperpetuum per omnes Rectas metas et diuisas suas et cum omnibus libertatibus commoditatibus et aisiamentis suis in boscis et planis pratis et pascuis vijs et semitis moris et marriscjs aquis stagnis multuris molendinis petarijs et turbarijs in aucupacionibus venacionibus nemoribus et piscarijs et cum omnibus alijs justis pertinencijs suis tam non nominatis quam nominatis ad dictam terram pertinentibus aut inposterum pertinere valentibus adeo libere et quiete integre plenaria pacifice et honorifice ab omni seruicio seculari exaccione seruili consuetudine seu demanda que per nos aut successores nostros inposterum inde poterunt exigi seu demandari sicut aliqua terra elemosinata in toto rigno nostro ex dono Regum scocie predecessorum nostrorum liberius quiecius plenius seu honorificencius tenentur seu possidentur In cujus rei testimonium presenti carte nostre sigillum nostrum precipimus apponj hijs testibus Bernardo Abbate de Aberbrothok cancellario nostro Roberto Abbate de Dunfermlyn Malcolmo comite de Leuynax Johanne de Mend[te]th Gilberto de haya hugone de Ertht et Roberto de keith Marascallo nostro scocie Militibus Apud fontem scocie xvj die februarij anno regni nostri octauo