Charter Document - 06790120
| Charter Number: | 06790120 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1307 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Clemens Episcopus seruus seruorum dei Dilecto filio Abbati Monasterij de Culros Dumblanensis dioecesis Salutem et apostolicam benedictionem Ad audientiam nostram peruenit quod tam dilecti filij Abbas et Conventus Monasterij de Insula Missarum ordinis sancti Augustini Dumblanensis dioecesis quam predecessores eorum decimas terras domos uineas prata pascua nemora molendina siluas maneria grangias piscarias iura iurisditiones et quedam alia bona ipsius Monasterij datis super hoc litteris confectis exinde publicis instrumentis interpositis iuramentis factis renunciationibus et penis adiectis in grauem eiusdem Monasterij lesionem nonnullis clericis et laicis aliquibus eorum ad uitam quibusdam uero ad no[n] modicum tempus et alijs perpetuo ad firmam uel sub censu annuo concesserunt quorum aliqui super hijs in communi forma confirmationis litteras a sede apostolica impetrasse dicuntur Quia uero nostra interest super hoc lesis Monasterijs subuenire discretioni tue per apostolica scripta mandamus quatinus ea que de bonis eiusdem Monasterij per concessiones huiusmodi alienata inueneris illicite vel distracta Non obstantibus litteris instrumentis renuntiationibus iuramentis penis et confirmationibus supradictis ad ius et proprietatem eiusdem Monasterij legitime reuocare procures Contradictores per censuram ecclesiasticam appellatione postposita compescendo Testes autem qui fuerint nominati si se gratia odio uel timore subtraxerint censura simili appellatione cessante compellas ueritati testimonium perhibere Datum Pictauis xv kalendas Decembris Pontificatus nostri Anno Tertio