Charter Document - 06790119
| Charter Number: | 06790119 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1303 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Vniuersis presentes litteras inspecturis Robertus miseracione diuina Ecclesie Glasguensis Minister humilis salutem eternam in domino Spoliacionibus et combustionibus ac innumeris affliccionibus quas viri Religiosi Abbas et Conuentus Monasterii de Insula missarum per communem guerram multipliciter sustinuerunt pie compacientes ac illorum miserias paupertatem et angustias quantum in nobis est releuare volentes Ecclesiam de Buthbrene nostre dioecesis cuius Jus patronatus dominus Thomas de Cromennane Miles caritatiue contulerit dictis Religiosis ipsam collacionem in omnibus ratam habentes dictam ecclesiam cedente uel decedente Rectore eiusdem dictis Religiosis in proprios vsus de consensu Capituli nostri concedimus Omnem defectum si quis fuerit in dicta collacione de plenitudine ordinarie potestatis nostre penitus supplentes saluis Iuribus episcopalibus et Archidiaconalibus et quod per simplicem Capellanum secularem vel vnum de Canonicis dicti Monasterij predicte ecclesie et parochie honorifice deseruiatur sine alicuius vicarii constitucione ad quod nolumus dictos Religiosos aut eorum successores aliqualiter compelli In cuius Rei testimonium sigillum nostrum auctenticum presentibus est appensum Datum apud Balindarge in Anegus Tercio die Octobris Anno gracie Millesimo Tricentesimo Tercio