Charter Document - 06790116
| Charter Number: | 06790116 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Ratification |
| Date: | 1284 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hoc scriptum visuris vel auditurus Johannes de Jonstone Miles salutem eternam in domino Noueritis me ratas et gratas habere ac firmas et stabiles tenere donacionem et concessionem quas domina Maria sponsa mea Monasterio de insula missarum et canonicis eiusdem de consensu meo fecerat de quadam porcione annue pensionis centum solidorum argenti quo ad uixerit percipienda a dictis canonicis de tenemento suo de strathy ad duos anni terminos prout in carta super hoc confecta plenius continetur et ne donacio et concessio predicta ea occasione quod dicta Maria tempore dicte donacionis facte michi in lege conjugij fuerat [] aliquam inposterum paciatur calumpniam voluntatem meam et consensum meum expressum in hijs affuisse per presentes literas sigillo meo roboratas exprimo et declaro Datum apud strathy in vigilia sancte trinitatis Anno gracie Millesimo CC octogesimo quarto