Charter Document - 06790115
| Charter Number: | 06790115 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1283 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus has literas visuris vel audituris Malisius comes de stratheryn filius et heres Malisij quondam comitis de stratheryn salutem eternam in domino Noueritis nos assignasse abbatem et conuentum de insula missarum ad decem Marcas argenti de tenemento nostro de Peccarn annuatim et inperpetuum percipiendas ad duos anni terminos videlicet medietatem ad festum Penticostes et aliam medietatem ad festum sancti Martini in Ieme Quare volumus concedimus et firmiter precipiendo mandamus Makbeth filio Ferchware libere tenenti nostro predicti tenementi et heredibus suis vel assignatis quibuscumque quatinus nulli balliuorum nostrorum nec alicui alij nisi tantummodo abbati et canonicis de Inchaffrin vel eorum assignatis de predictis decem marcis ad dictos terminos persoluendis aliquo tempore respondeant sed easdem prefatis religiosis vel eorum attornatis seu assignatis sicut predictum est fideliter et absque dampno dilacionis plenaria persoluant In cuius rei testimonium presentibus sigillum nostrum apponi fecimus Datum apud Innyrpefyr in crastino annunciacionis beate Marie uirginis Anno gracie Millesimo CC octogesimo tertio