Charter Document - 06790114

Omnibus hoc scriptum visuris vel audituris Malicius comes de stratheryn salutem in domino sempiternam Noueritis nos dedisse concessisse et hac presenti carta nostra confirmasse deo et Monasterio sancti Johannis apostoli et euangeliste de insula missarum et canonicis ibidem deo seruientibus et inperpetuum seruituris in liberam puram et perpetuam elemosinam pro resignacione et quieta clamacione quas ipsi Religiosi nobis et heredibus nostris inperpetuum fecerunt pro se et successoribus suis de Jure quod eis competebat vel competere poterit infuturum in augmentum et incrementum secundarum decimarum nostrarum ab anno domini Millesimo CC quadragesimo septimo in posterum viginti marcas annuas de thanagio de Dunyne et Peticarne per manus illorum qui pro tempore dictas terras tenuerint ad tres anni terminos inperpetuum percipiendas videlicet ad festum Pentecostes tres Marcas de Dunyn et quinque Marcas de Petcarn et ad festum sancti Petri quod dicitur a[d] uincula proximum sequens quatuor marcas de thanagio de Dunyne que nobis pro frecellis dare consueuerunt et ad festum sancti Martini in yeme tres Marcas de Dunyne et quinque Marcas de Petkarn preter viginti Marcas quas predicti viri Religiosi prius optinuerunt de Dunyn ex dono Malisij quondam bone memorie patris nostri Tenendas et habendas predictas viginti marcas annuas in predictis locis percipiendas vt predictum est de nobis et heredibus nostris seu assignatis sibi et successoribus suis bene in pace ita libere quiete plenaria et honorifice sicut aliquis redditus ab aliquo comite vel barone in regno scocie aliquibus viris Religiosis liberius quiecius plenius et honorificencius in liberam puram et perpetuam elemosinam dari poterit et ab ipsis teneri et possideri Ceteris eciam articulis et donacionibus omnibus et singulis aliis in cartis bone memorie Gilberti proaui nostri et Malicij patris nostri quondam comitum de stratheryn contentis augmenta et incrementa non tangentibus in suo robore duraturis Nos vero et heredes nostri et assignati predictas viginti Marcas prefato monasterio et canonicis predictis sicut predictum est contra omnes homines et feminas warantizabimus acquietabimus et inperpetuum defendemus Et vt hec nostra donacio concessio et presentis carte nostre confirmacio perpetue firmitatis robor optineant presens scriptum sigilli nostri munimine roborauimus hijs testibus venerabili patre domino Roberto dei gracia Episcopo Dunblanensi Magistro Thoma eiusdem loci decano Magistro Augustino Dunblanensi Archidiacono Domino Beda rectore ecclesie de Muyhe domino Patricio de Graham domino Johanne de streuyllyn domino Willelmo de Morauia filio domini Malcolmi de Morauia Militibus et multis alijs