Charter Document - 06790113

Ad perpetuam rei memoriam notum sit vniuersis quod cum religiosi viri Abbas et conuentus de Insula Missarum a nobili viro domino Malisio Comite de Stratherne de omnibus augmentis et incrementis vniuersorum redituum suorum firmarum et canorum tam in denariis quam in frumento farina braseo caseo carnibus piscibus placitis querelis et omnibus aliis bonis et obuentionibus que dicto comiti ab anno domini Millesimo ducentesimo quadragesimo septimo accreuerunt seu accrescere potuerunt sibi nomine secundarum decima rutai cum instancia peterent ex integro satis fieri que prefati religiosi sibi ex donatione et concessione Comitum de Stratherne predecessorum suorum deberi asserebant Idem dominus Comes habita cum discretis viris deliberatione prouida et amicorum suorum fretus consilio ne ab ipso uel heredibus suis de cetero talia exigi poterunt in perpetuum Die annunciationis beate Marie anno gracie Millesimo ducentesimo octogesimo tercio intrante dedit concessit et presenti scripto confirmauit deo et Monasterio sancti Iohannis apostoli et evangeliste de Insula missarum et Abbati et canonicis predictis deo ibidem seruientibus et in perpetuum seruituris in liberam puram et perpetuam elemosinam viginti Marcas annui redditus de Thanagio de Dunyne et de Petikarne per manus illorum qui pro tempore dictas terras tenuerint singulis annis in perpetuum percipiendas ad tres anni terminos videlicet ad festum pentecostes tres Marcas de Dunyn et quinque marcas de Petikarne et ad festum sancti petri quod dicitur ad uincula proximo sequens quatuor marcas de Thanagio de Dunyn que ipsi Comiti pro fritillis dari consueuerunt et ad festum sancti Martini in hyeme tres marcas de Dunyne et quinque marcas de Petikarne Tenendum et habendum dictum redditum viginti marcarum ipsi monasterio sicut predictum est de supradicto Comite et heredibus suis uel assignatis in perpetuum ita libere quiete plenaria et pacifice sicut aliquis redditus ab aliquo comite uel barone in regno Scocie aliquibus viris religiosis liberius quiecius plenius et honorificencius in liberam puram et perpetuum elemosinam dari potest et ab ipsis teneri et possideri Et dictus dominus Comes et heredes sui et assignati donationem concessionem et confirmationem predicti annui redditus sicut predictum est prenominato monasterio et canonicis predictis contra omnes homines et feminas warentizabunt acquietabunt et defendent in perpetuum et a domino Rege Scocie illustri procurabunt confirmari precibus necnon et litteris suis patentibus et in capella sua in rotulari Pro ac autem donatione et concessione predicti annui redditus viginti Marcarum prenominati Abbas et conventus premissis omnibus consencientes et ea vnanimiter acceptantes totum jus et clameum quod in predictis augmentis et incrementis a predicto tempore et citra habuerunt uel habere poterunt pro se et successoribus suis prefato domino Comiti et heredibus suis et assignatis totaliter resignarunt et quietum clamarunt Ceteris tamen articulis et donationibus omnibus et singulis aliis in cartis dictorum Comitum predecessorum suorum contentis predicta augmenta et incrementa non tangentibus in suo robore duraturis In cuius rei testimonium et ad maiorem securitatem ne de premissis in posterum aliqua inter partes oriatur hesitacio facta est hec scriptura in modum Cyrographi ita quod parti Cyrographate penes dominum Comitem residenti appositum est sigillum commune Monasterii vna cum sigillis venerabilis patris Roberti dei gracia episcopi Dunblanensis et ipsius loci capituli qui premissis omnibus consenserunt et auctoritatem dederunt et dominorum Patricii de Graham et Wilelmi de Morauia militum Parti uero alteri penes Monasterium residenti appensum est sigillum domini Comitis vna cum sigillis Episcopi Capituli et militum predictorum Hiis testibus venerabili patre domino Roberto dei gracia Episcopo Dunblanensi Magistro Thoma eiusdem loci decano Magistro Augustino Dunblanensi Archidiacono Domino Beda rectore ecclesie de Mothiethe domino Patricio de Graham domino Iohanne de Striuelin domino Wilelmo de Morauia filio domini Malcolmi de Morauia militibus et multis aliis