Charter Document - 06790110
| Charter Number: | 06790110 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1259 - 1284 |
| Date type: | Assigned |
| Resource Link(s): |
People of Medieval Scotland |
Charter:
Omnibus cristi fidelibus presens scriptum visuris vel audituris Walterus pistor de Perthe et hawys sponsa sua filia et heres quondam Nicholai pape burgensis de perthe salutem eternam in domino Nouerit vniuersitas vestra quod cum inter viros religiosos Abbatem et conuentum de insula missarum ex parte vna et me et sponsam meam predictam ex altera super quadam terra que fuit quondam predicti Nicholai pape que quidem terra jacet inter terram Galfridi dicti fratris Iohannis decani ex vna parte et terram Duncani dicti de cellare quam de dictis religiosis ad firmam tenet ex altera in plena curia de Perth coram venerabili patre domino Roberto dei gracia episcopo Dunblanensi domino Willelmo de Morauia milite et eciam balliuis de Perth et multis alijs fide dignis materia questionis verteretur ac eciam dictos religiosos pro jure quod in dicta [terra] credebamus optinere per literas domini nostri Regis in dicta curia fatigauimus per multum tempus Tandem vero ad instanciam dictorum proborum et per assensum et consensum partis vtriusque talis amicabilis composicio intervenit videlicet quod ego Walterus et hawys sponsa mea dedimus et concessimus de nobis et heredibus seu assignatis dictis religiosis et eorum successoribus omne jus et clameum si quod in dicta terra habuimus vel inposterum h[ab]ere poterimus pro quadam summa peccunie quam dicti Religiosi in magna nostra necessitate nobis dederunt pre manibus quam quidem summam peccunie cognoscimus nos totaliter recepisse et in nostros vsus necessarios conuertisse Denunciantes in hac parte sponte et absolute pro nobis et herebidus nostris siue assignatis omni jure et facti remedio excepcioni non facte promissionis paccionis et conuencionis et rei sic non geste doli et fraudis priuilegio fori et omni jure et legum auxilio canonici et ciuilis consuetudini et statuto ac eciam literis regijs et apostolicis impetratis et impetrandis ac omnibus alijs tam non nominatis quam nominatis que contra presens instrumentum possi[n]t obici vel appone quocienscumque contra premissa vel aliquid premissorum inpugnare vel litem mouere presumamus vel intendimus et ad maiorem rei securitatem faciendam huic scripto sigillum dicti venerabilis patris Episcopi Dunblanensis et Cristini de insula tunc vicecomitis de Perth et Johannis Albot et Johannis de Perth apponi procurauimus Hijs testitbus domino Roberto dei gracia episcopo Dunblanencsi necnon Willelmo de Morauia milite Cristino de insula tunc vicecomite de Perth Johanne Albot Thoma de insula Johanne de Perth Willelmo filio Wymark Johanne filio Ricardi balliuis tunc temporis de Perth et multis alijs