Charter Document - 06790109
| Charter Number: | 06790109 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1278 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hoc scriptum visuris uel audituris Iohannes Cumyne filius bone memorie quondam domini Iohannis Cumyne eternam in domino salutem Nouerit vniuersitas vestra nos caritatis intuitu et pro salute anime nostre et animarum heredum nostrorum et antecessorum nostrorum dedisse quietum clamasse et hac presenti carta nostra confirmasse pro nobis et heredibus nostris inperpetuum deo et beate marie et sancto Iohanni apostolo et euangeliste et viris religiosis abbati et canonicis Monasterii de Insula missarum ibidem deo seruientibus et inperpetuum seruituris in puram et perpetuam elemosinam Gillecristum Rothe filium gyllehtheny cum omni sequela sua ab ipso progressa et inperpetuum progressura et cum omni iure quod nos in ipso et in tota sequela sua habuimus uel aliquo tempore habere poterimus Et ad maiorem securitatem presenti scripto sigillum nostrum apposuimus Datum apud gasknese die lune proxima ante festum sancte marie Magdalene Anno gracie MCC septuagesimo Octauo Hiis testibus Dominis Willelmo et alexandro fratribus nostris dominis Nicholao de Wepount et Philippo olifarde Militibus Alano clerico Fergusio Makenedy Hugone fabro Alano seruiente nostro et multis aliis