Charter Document - 06790105
| Charter Number: | 06790105 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1271 - 1284 |
| Date type: | Assigned |
| Resource Link(s): |
People of Medieval Scotland |
Charter:
Omnibus cristi fidelibus presens scriptum visuris vel audituris lucas filius teobaldi de Petlandy de petlandi eternam in domino salutem Nouerit vniuersitas vestra me pro salute anime mee et sponse mee et antecessorum meorum et successorum dedisse concessisse et presenti carta mea confirmasse deo et beate Marie et sancto Iohanni apostolo et euangeliste de insula missarum necnon Abbati et conuentui eiusdem loci vnum croftum et toftum que sunt in tenemento meo de Petlandy propinquiora Iacencia ante ostium domus mee ex parte aquilonari magne vie que venit ad ecclesiam de fowlis per quam Itur versus Buthny videlicet a vado ex parte aquilonari domus mee et sic ascendendo per dictum riuulum vsque ad magnum lapidem Iuxta dictum riuulum et sic versus orientalem partem vsque ad terram Martini generis mei et sic discendendo versus meridionalem partem vsque ad dictam magnam viam et sic per eandem viam vsque ad predictum vadum que quidem particula terre continet in se quartam partem vnius acre in puram et perpetuam elemosinam vna cum brasina tocius territorij de Petlandy et omni Iure brasine et cum omnibus alijs Iuribus aysiamentis infra villam et extra ad dictam terram de Petlandy spectantibus vel spectare valentibus sine aliquo retine mento in bosco et plano in moris et Marresijs petarijs et bruarijs Tenenda et habenda sibi et successoribus suis et assignatis et eorum heredibus de me et heredibus meis vna cum dicta bracina tocius terre de Petlandi et omni Iure brasine in puram et perpetuam elemosinam libere et quiete ab omni seculari seruicio inperpetuum Ego vero lucas et heredes mei dicta toftum et croftum vna cum dicta bracina et omni Iure brasine et omnibus alijs pertinencijs sicut predictum est dictis viris religiosis et eorum successoribus contra omnes homines warantizabimus protegemus et defendemus inperpetuum Et vt hec mea donacio et carte mee confirmacio robur firmitatis et stabilitatis in omni optineat presentem cartam meam sigilli mei inpressione roboraui Hijs testibus Magistro Thoma decano ecclesie Dunblanensis dominis Gilbertus et J de Cumry et de Buffydir domino Mauricio capellano tunc maioris comitisse de stratheryn henrico filio Malcolmi Mauricio dicto knyt Petro dicto Parkare vtting fabro de streuillyn Rogero dicto de Dunfallyn et multis alijs