Charter Document - 06790103
| Charter Number: | 06790103 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1271 - 1284 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis presens scriptum visuris uel audituris lucas filius tebaldi filii Willelmi eternam in domino salutem Sciant omnes tam presentes quam futuri Me caritatis Intuitu et pro salute anime mee et antecessorum meorum et successorum dedisse concessisse et hac presenti carta mea confirmasse deo et beate marie et beato Iohanni apostolo et euangeliste et abbati et conuentui de Insula missarum et luminari maioris altaris sancte marie eiusdem ecclesie In puram et perpetuam elemosinam totam illam particulam terre In terra mea de pechlandy que iacet Inter terram quam pater meus et ego dictis abbati et conuentui caritatiue contulimus in terra que uocatur fithlerflath et viam magnam que vadit et tendit uersus buchteny et sic per illam viam versus aquilonem vsque ad terram de dunyduf quam bricius de ardrossan quondam de me et heredibus meis ad feudo firmam tenuit vna cum ilia particula terre que se extendit ab oriente versus occidentem vsque ad riuulum ilium qui currit Inter pethlandy et pethmane que quidem particule terre continue continent in se quatuor acras terre et aliquantulum plus et cum bracina totius terre de pethlandy Tenendas et habendas sibi et successoribus suis de me et heredibus meis Inperpetuum Cum communi pastura octo vaccarum et duorum equorum et cum omnibus communibus asyamentis Infra villam de pethlandy et extra In bosco et plano pascuis moris et marisiis bruariis petariis stagnis aquis et molendinis et ceteris asyamentis omnibus ad terram de pethlandi spectantibus uel spectare valentibus libere quiete plenaria et honorifice Ita quod omnes supradicte particule terre tam de dono patris mei quam de dono meo quam de dono bricii de ardrossan eisdem religiosis assensu meo et consensu facto de terra de dunyduf simul sine aliquo retene mento iaceant continuate inperpetuum Ego uero lucas et heredes mei hanc eandem elemosinam dictis Religiosis per me collatam tam de predictis terra pastura et bracina cum omnibus asyamentis vt predictum est contra omnes homines et feminas warantizabimus et defendemus inperpetuum et liberam et quietam ab omni onere exactione et seruitio seculari omnino faciemus Ego etiam donationem patris mei predictis religiosis de vno toufto et duabus acris terre et quadam pastura secundum quod plenius et melius continetur In carta quam dicti abbas et conuentus a dicto T patre meo ex inde habent confectam vna cum terra de dunyduf quam habent de dono bricii de ardrossan assensu et concensu meo facto eisdem pro me et heredibus meis inperpetuum ratifico et confirmo In Cuius rei testimonium huic scripto sigillum meum apposui Hiis testibus domino Roberto dei gratia episcopo dunblanensi magistro thoma eiusdem ecclesie decano magistro Ricardo de strifiyn eiusdem ecclesie canonico domino Nicholao rectore ecclesie de cref dominis Gilbertus et Y de comri et de butfuder personis Magistro Rogero de scardtheburge clerico domini regis henrico firmario dicto symone Iohanne et hugone filiis dicti henrici Willelmo clerico Gillefelan Iudice Rogero filio yacobi cimentarii petro filio dicti cimentarii Rogero et Iacobo filiis Willelmo gena bricio dapifero et multis aliis