Charter Document - 06790102
| Charter Number: | 06790102 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1266 |
| Date type: | Assigned |
| Resource Link(s): |
People of Medieval Scotland |
Charter:
Omnibus cristi fidelibus presens scriptum visuris vel audituris Malisius filius Gilbertus quondam comitis de stratheryn Miles eternam in domino salutem Nouerit vniuersitas vestra me caritatis intuitu pro salute anime mee et an[te]cessorum meorum et Malisij filij mei et heredum meorum et ceterorum successorum meorum dedisse concessisse et hoc presenti scripto confirmasse deo et beate Marie et beato Johanni apostolo et euangeliste de insula missarum et Abbati et conuentui eiusdem loci et eorum successoribus in puram et perpetuam elemosinam illam particulam terre in tenemento de Rossy per illas metas per quas ego coram fide dignis in propria persona perambulaui scilicet a petario de Rossy qui scotice dicitur pethath sicut riuulus dicti petarij descendit versus orientalem partem vsque ad viam que se extendit de strathyn vsque ad Rossy et sic per illam viam versus austrum vsque ad aseruum lapidum per me [factum] ibidem et sic similiter vsque ad alium asserum per me factum et sic versus occidentalem partem per albam metam scilicet paruam semitam vsque ad dictum petarium et sic versus aquilonalem partem vsque ad exitum dicti riuuli dicti petarij que quidem particula terre continuate continet in se tres acras terre et amplius Tenendam et habendam sibi et suis successoribus et eorum assignatis de me heredibus meis in puram et perpetuam elemosinam libere et quiete inperpetuum cum pastura duodecim vaccarum et viginti ouium et vnius equi vna cum aysiamento sumendi in dicto petario singulis annis viginti karucas petarum vel si maluerint quater viginti onera equorum cum ceteris aysiamentis omnimodis infra willam et extra prout liberius et quiecius aliquis miles aliquam elemosinam in toto regno scocie dare vel concedere potest Ego vero dictus M miles et heredes mei hanc elemosinam predictis religiosis et eorum successoribus collatam contra omnes homines et feminas inperpetuum warantizabimus protegemus et defendemus atque liberam et quietam ab omni onere exaccione et demanda seculari et seruicio penitus faciemus et obseruabimus In cuius rei testimonium huic scripto sigillum meum apposui hijs testibus domino Patricio de Grahm domino Nicholao rectore ecclesie de Creffe filio meo Magistro Thoma decano Dunblanensis ecclesie Magistro Ricardo de stryuyllyn eiusdem ecclesie canonico domino Gilbertus persona de Comry domino Jacobus persona de Buffyddir domino Donaldo decano de Metthel Willelmo clerico et multis alijs