Charter Document - 06790100
| Charter Number: | 06790100 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1271 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Bricius de Ardrossane eternam in domino salutem Nouerit vniuersitas vestra me pro salute anime mee et an[te]cessorum meorum concessisse et assignasse et hac presenti carta mea confirmasse deo et beate Marie et sancto Johanni apostolo et euangeliste et Abbati et conuentui de insula missarum et suis successoribus inperpetuum illam particulam terre sitam in territorio de Petlandy quam ego de luca filio theobaldy ad feodam firmam teneo cum omnibus suis pertinencijs et ceteris aysiamentis per suas rectas diuisas prout in carta inter dictum lucam et me super hoc facta plenius continetur Tenendam et habendam sibi et successoribus suis inperpetuum de me et heredibus meis seu assignatis libere et quiete sicut liberius quiecius ego dictam terram tenui vel tenere potui Reddendo inde annuatim vnam Marcam argenti scilicet medietatem ad Penticosten et aliam medietatem ad festum sancti Martini cuidam capellano diuina celebranti in elemosinario de insula missarum ad comparandum seu inueniendum ibidem calicem et ornamenta diuino cultui necessaria volo et concedo quod si dictam terram per aliquem aliquo casu seu occasione de predictis Abbate et conuentu quod absit inposterum euinci contigerit sepedictos Abbatem et conuentum a predicte marce prestacione ex tunc fore absolutos et me et heredes meos seu assignatos ad quos cetere terre mee quocumque titulo transiuerint ad predicte marce prestacionem annuam predicto capellano de ipsis terris faciendam supradictis terminis inperpetuum teneri et ad hoc per sensuram ecclesiasticam si necesse fuerit compelli et perstringi Reddendo nihilominus sepe dicto luce et suis heredibus vel assignatis dictam terram ad fe[o]do firmam michi et heredibus meis seu assignatis inperpetuum concedentibus pro omni seculari seruicio exaccione consuetudine et demanda warantizacione proteccione et defencione duodecim denarios ad duos anni terminos scilicet sex denarios ad penticosten et sex denarios ad festum sancti Martini in yeme et preterea tres denarios tantummodo pro quolibet Regis auxilio seu exercitu quociens dominus Rex commune[m] exercitum vel commune auxilium exigere contigerit a toto suo regno In cuius rei testimonium huic scripto sigillum meum apposui hijs testibus domino Roberto dei gracia episcopo Dunblanensi domino Nicholao rectore de Crefe domino Johanne tunc decano de stratheryn rectore ecclesie de Glendofona dominis Gilbertus et Johannes rectoribus ecclesiarum de Cumry et de Buffidir trestram de Gorty Magistro Johanne de logy ach et Munach filijs Alpin et multis alijs Datum apud insulam missarum die sancti dementis martiris et pape Anno gracie Millesimo CC septuagesimo primo