Charter Document - 06790099
| Charter Number: | 06790099 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1271 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus cristi fidelibus has literas visuris vel audituris Bricius de Ardrossane eternam in domino salutem Nouerit vniuersitas vestra me pro salute anime mee et domini mei Malisij bone memorie quondam comitis de stratheryn et antecessorum meorum et suorum dedisse conce[ssi]sse et hac presenti carta confirmasse inperpetuum deo et beate Marie et sancto Johanni apostolo et euangeliste et Abbati et conuentui de insula missarum et eorum successoribus illas sex decem acras terre citas juxta pontem Abbathie ex parte orientali in campo qui vocatur langflathe cum suis omnibus pertinencijs et aysiamentis quas quidem sex decem acras terre dictus dominus meus Malisius bone memorie quondam comes de stratheryn michi et heredibus meis et assignatis et eorum heredibus in excambium pro terra de Cullath donauit et concessit quam quidem terram de Cullath dictus comes ex consensu meo deo [et] ecclesie de Dunblanene inperpetuum assignauit Tenendas et habendas sibi et suis successoribus de me et heredibus meis et assignatis inperpetuum in puram et perpetuam elemosinam libere pacifice et quiete ab omni exaccione seculari et consuetudine et demanda In cuius rei testimonium hijs literis sigillum meum apposui hijs testibus Domino Roberto dei gracia episcopo Dunblanensi Magistro Ricardo Magistro Johanne de loggy eiusdem ecclesie canonicis domino Johannes decano domino Nicholao rectore ecclesie de Crefe Trestram de Gorty ach et Monach filijs Alpini et Bricio Dapifero et multis alijs Datum apud insulam missarum Anno gracie millesimo CC septuagesimo primo die sancti Clementis pape et Martiris