Charter Document - 06790098
| Charter Number: | 06790098 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Ratification |
| Date: | 1271 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus cristi fidelibus ad quos litere presentes peruenerint Bricius de Ardrossan eternam in domino salutem Nouerit vniuersitas vestra me ratam et firmam ac stabilem quantum ad me pertinet habuisse collacionem domini Malisij bone memorie quondam comitis de stratheryn factam deo et beate marie et cuidam capellano celebranti diuina in elemosinario de insula missarum pro animabus dicti comitis et suorum antecessorum et pro anima mea et omnium fidelium defunctorum de quatuor marcis sterlingorum percipiendis singulis annis de firma terre de Mukracht inperpetuum in puram et perpetuam elemosinam prout in carta dicti comitis inde confecta plenius continetur et quia predictus comes terram de Tulach quam eidem capellano et suis successoribus ad calicem et ornamenta ibidem inueniendum per prenominatam cartam donauerat et concesserat deo et ecclesie Dunblanensi de ordinacione eiusdem loci episcopi postea mutata voluntate assignauit ego vero nolens pro defectu dictorum ornamentorum diuina officia in dicto elemosinario cessare ex mea mera voluntate do et presenti carta confirmo pro salute anime mee et antecessorum meorum et dicti domini Malisio comitis et suorum antecessorum sepe dicto capellano et suis successoribus inperpetuum vnam marcam argenti ad duos anni terminos scilicet medietatem ad pentecosten et aliam medietatem ad festum sancti Martini in yeme percipiendam singulis annis de terra quam ad feodo firmam teneo per cartam in territorio de Petlandy per Abbatem et conuentum de insula missarum quibus dictam terram per cartam meam assignaui Volo eciam et concedo quod si dicta terra a predictis Abbate et conuentu aliquo casu seu occasione per aliquem fuerit euicta quod heredes mei seu assignati ad quos quocumque titulo terre mee transierint de ipsis terris predicto capellano et suis successoribus singulis annis terminis supradictis dictam Marcam argenti prout dictum est sine contradiccione aliqua persoluant et ad hec ecclesiastica districcione si necesse fuerit compellantur Ita videlicet quod cetere terre ad quemcumque transierint pro prestacione dicte marce remaneant inperpetuum obligate In cuius rei testimonium hijs literis presentibus sigillum meum apposui hijs testibus domino Roberto dei gracia episcopo Dunblanensi domino Alanus eadem gracia Abbate de insula missarum et eiusdem loci conuentu Magistro Ricardo Magistro Gilberto Magistro Johannes de logy ecclesie Dunblanensis canonicis domino Johannes decano Tristram de Gorty et multis alijs Datum apud insulam missarum Anno gracie Millesimo CC septuagesimo primo die sancti dementis pape et martiris