Charter Document - 06790097
| Charter Number: | 06790097 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1270 - 1271 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Malicius comes de stratheryn salutem eternam in domino Nouerit vniuersitas vestra me Dedisse concessisse et hac presenti carta mea confirmasse deo et beate Marie et cuidam capellano celebranti diuina in elemosinario de insula missarum pro animabus antecessorum meorum et omnium fidelium defunctorum et pro anima Bricij de Ardrossane pro quita clamacione terre de Buthaldy et de lanyrky quam quidem terram dictus Bricius michi et heredibus meis post dies suos quitum clamauit quatuor Marcas argenti de firma terre que vocatur Mukrand percipiendas singulis annis inperpetuum in liberam et perpetuam elemosinam de me et heredibus meis per manus firmari orum eiusdem terre quicumque fuerint pro tempore in dicta terra commorantes ad sustentacionem dicti capellani quicumque fuerit inperpetuum Preterea do et concedo et hac carta mea confirmo dicto capellano et successoribus suis inperpetuum in liberam et perpetuam elemosinam illam particulam terre quam prenominatus Bricius de Ardrossane tenuit in villa de Dunblane que vocatur Tolauch per omnes rectas diuisas suas Tenendam et habendam de me et heredibus meis dicto capellano et successoribus suis ad inueniendum calicem et ornamenta dicto capellano Item do et concedo potestatem Abbati de insula missarum qui pro tempore fuerit cum capellanus aliquis qui ibidem celebrauerit diuina in fata discedit in periculo anime sue alium capellanum ydoneum constituendi predicto loco sine aliqua contradiccione mei vel heredum meorum Si autem contingat me vel heredes meos aliquo casu quod absit contra hanc donacionem et concessionem venire subicio me et heredes meos interdiccioni Episcopi Dunblanensis qui pro tempore fuerit renuncians omni appellacioni excepcioni cauillacioni et omni juris remedio canonici et ciuilis vt ipse per sensuram ecclesiasticam ad predictam donacionem et concessionem fideliter inperpetuum obligando me et heredes meos de die in diem compellat Vt autem hec mea donacio et concessio perpetue firmitatis robur optineat presens scriptum sigilli mei munimine roboraui Testibus domino Alanus abbate de insula missarum domino Gilberto de Ruthfen Malicio filio comitis Militibus domino Nicholao persona de Crefe Willelmo de Rothfen tunc camerario meo et multis alijs