Charter Document - 06790096
| Charter Number: | 06790096 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1268 |
| Date type: | Assigned |
| Resource Link(s): |
People of Medieval Scotland |
Charter:
Omnibus cristi fidelibus ad quorum noticiam presentes [perue]nerint malisius comes de stratheryn eternam in domino salutem nouerit vniuersitas vestra quod cum viri religiosi abbas et conuentus Monasterii de insula missarum essent in possessione re[ci]piendi sex marcas sterlingorum nomine secundarum decimarum nostrarum de firma terre de Ballenolleth in syro de Foglais Idem religiosi ad instanciam nostram patienter sustinuerunt nos illam terram de Ballenolleth domino Gilbertus fratri nostro conferre et sic eisdem Religiosis in eisdem sex marcis remansimus obligati Quare volumus et concedimus eisdem religiosis per hanc scripturam mera nostra voluntate confectam pro nobis et heredibus nostris vel assignatis quod dicti religiosi dictas sex marcas nomine secundarum decimarum nostrarum sine contradiccione nostri vel heredum nostrorum vel assignatorum nostrorum de firma tenementi de Abbircarnych recipiant inperpetuum per manus cujuscumque dictum tenementum de Abircarnyche de nobis vel heredibus nostris vel assignatis tenentis soluendas ad duos anni terminos scilicet vnam medietatem ad festum pentecostes et aliam medietatem ad festum sancti Martini in yeme Item cum teneremur eisdem religiosis in triginta sex libris sterlingorum quas cepimus de fratre hugone tunc temporis terrario eiusdem monasterij de peccunia quondam Rogeri de Colin clerici quam quidem peccuniam Idem Rogerus fabrice ecclesie dicti monasterij donacione inter viuos dedit et in decem libris sterlingorum quas ab eisdem recepimus mutuo per literas nostras obligatorias super hoc eisdem confectas et eciam in viginti quatuor marcis sterlingorum de solucione predictarum sex marcarum de firma predicte terre de ballenollethe per nos a predictis religiosis per quatuor annos retentarum Nos vero eisdem religiosis satisfacere uolentes eisdem concedimus pro nobis heredibus nostris et assignatis et volumus quod ipsi religiosi recipiant quolibet anno ad terminos prenominatos quatuor marcas sterlingorum de firma predicti tenementi de Abircarniche sine contradictione [nostri] vel heredum nostrorum vel assignatorum quousque predicti Religiosi totum predictum debitum de predicta firma sepe dicti tenementi de Abircarnyche dictis terminis sicut predictum est plenaria et integre receperint termino prime solutionis dicte peccunie incipiente ad festum pentecostes anno gracie Millesimo CC decimo octauo In cuius rei testimonium literis presentibus sigillum nostrum fecimus apponi Datum apud Crefe Die sancti ambrosij anno supradicto Hijs testibus domino Roberto dei gracia episcopo Dunblanensi domino Eugenio de argadia domino Malisio auunculo nostro domino Nicholao Rectore ecclesie de Crefe dominis Gilbertus Jacobus et Bede rectoribus ecclesiarum de Comry de Buchfydir de Monyhge Tristram de Gortyn Bricio de Ardrossane et multis alijs Nos vero et heredes nostri vel assignati predictas sex Marcas sicut predictum est dictis religiosis et eorum successoribus inperpetuum contra omnes warantizabimus et defendemus et acquitabimus