Charter Document - 06790095
| Charter Number: | 06790095 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1266 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus presentes litteras visuris uel audituris Malisio comes de stratherne salutem in domino Noueritis nos dedisse et concessisse et hac carta nostra confirmasse pro nobis et heredibus nostris in puram et perpetuam elemosinam deo et beate marie ac beato iohanni apostolo et evangeliste et Religiosis viris abbati et conuentui de insula missarum caritatis intuitu et pro salute anime nostre ac antecessorum nostrorum licenciam et potestatem inperpetuum fodiendi et secandi lapides in lapidicina nostra et terra nostra de nethirgasche ad ecclesiam suam et officinas suas ac omnia edificia in dicto Monasterio pro voluntate sua construenda Concedimus eciam eisdem per totam terram nostram de nethyrgasche liberum transitum ad predictam lapidicinarum introitum in eandem et liberum exitum cum hominibus animalibus quadrigis vecturis quibuscumque lapides ducentibus seu portantibus et duas acras terre dicte lapidicine ex parte occidentali proximo adiacentes vt ibidem lapides suos possint recolligere et domum in qua eosdem incidant pro voluntate sua edificare et de residuo duarum acrarum pro voluntate sua disponere In cuius rei testimonium sigillum nostrum presentibus fecimus apponi Hiis testibus domino Gilberto de Rothewane domino Ioachim de Kinbucche Magistro Ricardo de striuiline camerario domini comitis lorne Mach gilherve Iacobo persona de buffudire et multis alijs Datum apud crefe in crastino beati Martini in yeme Anno gracie MCC sexagesimo sexto