Charter Document - 06790094
| Charter Number: | 06790094 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1266 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Clemens episcopus seruus seruorum dei Dilecto filio [] Archidiacono laudonie in ecclesia sancti Andree in Scotia Salutem et apostolicam benedictionem Ad nostram noueris audientiam peruenisse quod tam dilecti filij [] Abbas et Conventus Monasterij de Insula Missarum ordinis sancti Augustini Dumblanensis dioecesis quam predecessores eorum decimas terras uineas domos prata nemora molendina pascua piscarias redditus et quedam alia bona eiusdem Monasterij nonnullis clericis et laicis tam religiosis quam secularibus aliquibus eorum ad uitam quibusdam uero ad non modicum tempus et alijs perpetuo ad firmam uel sub censu annuo datis super hoc litteris factis renuntiationibus adiectis penis et iuramentis interpositis concesserunt in ipsius Monasterij lesionem enormem quorum aliqui dicuntur super hijs litteras confirmationis in forma communi a sede apostolica impetrasse Quia uero nostra interest lesis Monasterijs subuenire Discretioni tue per apostolica scripta mandamus quatinus ea que de bonis eiusdem Monasterij per concessiones huiusmodi alienata inueneris illicite uel distracta non obstantibus litteris iuramentis penis renuntiationibus necnon et confirmationibus supradictis ad ius et proprietatem ipsius Monasterij legitime reuocare procures Contradictores per censuram ecclesiasticam appellatione postposita compescendo Testes autem qui fuerint nominati si se gratia odio uel timore subtraxerint censura simili appellatione cessante compellas ueritati testimonium perhibere Datum Viterbij kalendis Julij Pontificatus nostri Anno Secundo