Charter Document - 06790093
| Charter Number: | 06790093 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1266 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Clemens Episcopus servus servorum Dei Dilectis filiis Abbati et Conventui Monasterij de Insula Missarum Ordinis Sancti Augustini Dumblanensis dioecesis Salutem et apostolicam benedictionem Solet annuere sedes apostolica pijs votis et honestis petentium precibus favorem benivolum impertiri Exhibita siquidem nobis vestra petitio continebat quod bone memorie Johannes primus Dunkeldensis Episcopus Ecclesiam de Mardindin Dunkeldensis dioecesis in qua jus patronatus habetis de consensu Capituli sui vobis et Monasterio vestro cum juribus et pertinentijs suis in proprios usus concessit ac postmodum pie memorie Ricardus Johannes secundus Hugo Gilbertus et Galfridus ac venerabilis frater noster Ricardus Dunkeldenses Episcopi successores ipsius Johannis quod super hoc ab ipso factum extitit approbarunt et etiam confirmarunt ac idem Ricardus Episcopus de consensu Capituli sui vobis concessit ut in eadem Ecclesia possitis per aliquem de vestris concanonicis facere de serviri prout in Litteris inde confectis plenius dicitur contineri Nos itaque vestris supplicationibus inclinati concessionem hujusmodi ab eodem Episcopo sicut provide facta est Ratam et firmam habentes eam auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit Indignationem omnipotentis Dei et beatorum Petri et Pauli apostolorum ejus se noverit incursurum Datum Viterbij x Kalendas Junij Pontificatus nostri anno secundo