Charter Document - 06790089
| Charter Number: | 06790089 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1261 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Urbanus episcopus seruus seruorum dej Dilectis filij Abbati et Conventuj Monastery de Insula Missarum ordinis sancti Augustini Dumblanensis dioecesis Salutem et apostolicam benedictionem Ea que iudicio uel concordia terminantur firma debent et illibata persistere et ne in recidiue contentionis scrupulum relabantur apostolico conuenit presidio communiri Exhibita siquidem nobis uestra petitio continebat quod olim inter uos ex parte una et [] Magistrum ac fratres Hospitalis sanctorum Apostolorum Jacobi et Johannis de Brackele Lincolniensis dioecesis ex altera super quibusdam decimis et rebus alijs materia questionis exorta tandem mediantibus bone memorie [] Dumblanensi in cuius dioecesi decime huiusmodi consistunt et venerabili fratre nostro [] Sancti andree Episcopis super hijs amicabilis inter partes compositio intervenit prout in litteris inde confectis plenius dicitur contineri quam apostolico petijstis munimine roborari Nos igitur uestris iustis precibus grato concurrentes assensu compositionem ipsam sicut rite sine prauitate prouide facta est et ab utraque parte sponte recepta et hactenus pacifice obseruata auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere uel ei ausu temerario contraire Siquis autem hoc attemptare presumpserit indignationem omnipotentis dej et beatorum Petri et Pauli apostolorum eius se nouerit incursurum Datum Viterbij ij Idus Septembris Pontificatus nostri Anno Primo