Charter Document - 06790088
| Charter Number: | 06790088 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1258 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Malisius comes de stratheryn salutem eternam in domino Nouerit vniuersitas vestra me caritatis intuitu pro salute anime mee et antecessorum et successorum meorum Dedisse et concessisse et hac carta mea quitum clamasse de me et heredibus meis inperpetuum deo et beato Johanni apostolo et euangeliste et Abbati et conuentui de insula missarum in puram et perpetuam elemosinam Johannem dictum starnes filium thome filij thore cum tota sequela sua concedo et pro me et heredibus meis inperpetuum ipsis Abbati et conuentui omne Jus et clameum quod habeo in eodem Johanne vel prole ab ipso suscitata vel h[ab]ere potero aut heredes mei impostorum habere poterint prohibeo et omnibus hominibus meis ne aliquis eorum dicto Johanni vel alicui prolis sue molestiam aut grauamen aut aliquod impedimentum inferre presumat In cuius rei testimonium presenti scripto sigillum meum apposui Datum anno domini Millesimo CC quinquagesimo octauo vij Idus Maij Testibus domino Petro priore de scona Gilberto fratre meo Gilberto de Morauia Willelmo de louetoft Malisio filio Anecole Alano Mariscallo et multis alijs