Charter Document - 06790086
| Charter Number: | 06790086 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1257 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Vniuersis sancte Matris ecclesie filiis presens scriptum uisuris uel audituris Malisius Comes de stratherne salutem Eternam In domino Nouerit vniuersitas uestra nos pro salute anime nostre et antecessorum nostrorum et heredum nostrorum dedisse concessisse et hac carta nostra confirmasse deo et Beate Marie et sancto Iohanni apostolo et Evangeliste de Insula missarum et abbati et conuentui eiusdem loci aduocacionem ecclesie de Cortachyn Breyhynnensis dioecesis In perpetuum ad sustentacionem canonicorum deo seruiencium in predicto monasterio Quare uolumus et presenti scripto concedimus ut predicti abbas et conuentus habeant et possideant dictam ecclesiam in puram et perpetuam elemosinam scilicet quicquid layca persona potest in ecclesia dare et concedere sine aliqua diminucione uel retencione sicut liberius quiecius plenarius et honorificencius aliqua ecclesia de dono Comitis uel Baronis in Regno scocie tenetur uel possidetur obligamus eciam nos et heredes nostros quos habuerimus de Matilda sponsa nostra filia domini Gilleberti quondam Comitis katannie et orkadie vt ipsi in perpetuum pro se et heredibus suis dictam donacionem nostram ratificans defendant et warantizare nec contra ipsam aliquo tempore uenire presumant et vt ista donacio perpetue firmitatis robur optineat presens scriptum sigilli nostri munimine roboramus Testibus domino Willelmo de Breyhyn Dominis Iohanne de dundemor Gilleberto de Rothewen et Gilleberto Macnacthin fratre hugone et Gilleberto fratribus nostris domino Nichalao Camerario nostro persona de Creff alano maresscallo petro clerico Colino de tynegry et Multis aliis Datum apud creff anno gracie domini MCCLVII pridie Idus decembris