Charter Document - 06790085
| Charter Number: | 06790085 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1257 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus cristi fidelibus presens scriptum visuris uel audituris Ath filius malcolmi macnauchtan salutem In domino sempiternam Nouerit vestra vniuersitas Me diuine caritatis Intuitu ex assensu et voluntate domini Gilleberti fratris mei Militis et pro salute animarum nostrarum et antecessorum nostrorum et heredum nostrorum Dedisse et concessisse et hac Carta mea confirmasse Deo Et beate Marie et Sancto Iohanni apostolo Et Euangeliste de Insula missarum Et Abbati et Canonicis Ibidem Deo seruientibus et in perpetuum seruituris Ecclesiam sancte findoce de Inchealt Ergadiensis dioecesis cum omnibus Iustis pertinencijs suis Cum decimis obuencionibus et oblacionibus Et cum communi pastura Et omnibus aliis aysiamentis ad predictam ecclesiam pertinentibus Nec non et totum Ius quod in eadem ecclesia habui uel habere potero de me et successoribus meis Eisdem abbati et canonicis contuli caritatiue Tenendam et possidendam sibi et successoribus suis In puram et perpetuam elemosinam Adeo libere et quiete plenaria et honorificencie sicut aliqua Ecclesia in toto regno scocie Ex dono alicuius viri nobilis liberius quiecius plenarius et honorificencius Tenetur et possidetur In Cuius rei testimonium huic scripto patenti sigillum meum vna cum sigillo domini Gilbertus fratris Mei ex mera consciencia et voluntate nostra sunt appensa Datum anno domini MCC septimo In festo apostolorum petri et pauli