Charter Document - 06790084
| Charter Number: | 06790084 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1256 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Alexander episcopus seruus seruorum dej Dilectis filiis Abbati et Priori de Sacro nemore ordinis Premonstratensis Glasguensis dioecesis Salutem et apostolicam benedictionem Ad audientiam nostram noueritis peruenisse quod tam dilecti filij Abbas et Conuentus ecclesie de Insulamissarum ordinis sancti Augustini Dumblanensis dioecesis quam predecessores eorum decimas redditus Molendina nemora iurisdictiones terras possessiones et quedam alia bona ipsius ecclesie nonnullis clericis et laicis tam religiosis quam secularibus aliquibus eorum ad non modicum tempus quibusdam uero perpetuo et alijs dum uiuerent ad firmam uel sub censu annuo concesserunt datis super hoc litteris adiectis penis et interpositis iuramentis in enormen lesionem ecclesie supradicte quorum aliqui dicuntur super hijs a sede apostolica in communi forma confirmationis litteras impetrasse Quia uero nostrum est lesis ecclesijs et Monasterijs subuenire discretioni uestre per apostolica scripta mandamus quatinus ea que de bonis eiusdem ecclesie per concessiones huiusmodi alienata inueneritis illicite uel distracta non obstantibus penis litteris iuramentis et confirmationibus supradictis ad ius et proprietatem ipsius legitime reuocare curetis Contradictores per censuram ecclesiasticam appellatione postposita compescendo Testes autem qui fuerint nominati si se gratia odio uel timore subtraxerint censura simili appellatione cessante cogatis ueritati testimonium perhibere Datum Anagnie iiij kalendas Septembris Pontificatus nostri Anno Secundo