Charter Document - 06790083
| Charter Number: | 06790083 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1252 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus cristi fidelibus presens scriptum visuris vel audituris Willelmus dei gratia Abbas de Arbrothok et eiusdem loci conuentus eternam in domino salutem Nouerit vniuersitas vestra nos communi assensu et consensu tocius capituli nostri dedisse concessisse et hac carta nostra confirmasse deo et ecclesie sancti Iohannis apostoli et euangeliste de insula missarum et Abbati et conuentui ibidem deo seruientibus et inperpetuum seruituris omnes terras domus et possessiones quas Willelmus filius Rayngod in villa de Abirbrothok De nobis tenuit et possedit quas quidem terras Idem Willelmus pro se et heredibus suis nobis in plena curia de Abirbrothok reddidit et quitum clamauit necnon et totum Ius quod ipse vel heredes sui in dictis terris habuerunt vel h[ab]ere poterint Tenendas et habendas dictis Abbati et conuentui in liberum burgagium cum omnibus libertatibus et aysiamentis rectitudinibus ad dictum burgagium infra villam et extra villam Iuste pertinentibus adeo libere quiete et plenaria sicut dictus Willelmus vel predecessores sui dictas terras de nobis tenuerunt vel possiderunt salua tamen quod dictas terras viris religiosis quibuscu[n]que vel aliquibus alijs nullo titulo nisi de speciali nostra licencia vendent vel alienabunt In cuius rei testimonium huic scripto sigillum nostrum comune apposuimus et ad maiorem securitatem sigillum ville nostre de Abirbrothok fecimus apponi Teste capitulo nostro Datum anno domini Millesimo CC quinquagesimo secundo v Idus nouembris Apud Abyrbrothok