Charter Document - 06790082
| Charter Number: | 06790082 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1252 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus seruus seruorum dei Dilectis filiis [] Abbati de Sacro nemore Glasguensis dioecesis et [] Sacriste Glasguensi Salutem et apostolicam benedictionem Peruenit ad audientiam nostram quod tam dilecti filij [] Abbas et Conventus de Insula missarum ordinis sancti Augustini Dumblanensis dioecesis quam predecessores eorum terras Maneria pensiones redditus possessiones et quedam alia bona ipsius Monasterij nonnullis clericis et laicis quibusdam eorum ad uitam aliquibus uero perpetuo et alijs ad non modicum tempus ad firmam uel sub censu annuo concesserunt datis super hoc litteris penis adiectis et interpositis iuramentis in eiusdem Monasterij non modicam lesionem quorum aliqui super hijs in forma communi a sede apostolica confirmationis litteras impetrarunt Cum igitur ad nostrum spectet officium lesis ecclesiis subuenire discretioni uestre per apostolica scripta mandamus quatinus ea que de bonis ipsius Monasterij per concessiones huiusmodi alienata inueneritis illicite uel distracta non obstantibus litteris penis iuramentis et confirmationibus supradictis aut quod aliqui ex indulto apostolico excommunicari seu interdici nequeant uel suspendi ad ius et proprietatem eiusdem Monasterij studeatis legitime reuocare Contradictores per censuram ecclesiasticam appellatione postposita compescendo Testes autem qui fuerint nominati si se gratia odio uel timore subtraxerint per censuram eandem appellatione cessante cogatis ueritati testimonium perhibere Datum Perusij vj Idus Junij Pontificatus nostri Anno Nono