Charter Document - 06790078
| Charter Number: | 06790078 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus seruus seruorum dei Venerabili fratri [] Episcopo Brechinensi Salutem et apostolicam benedictionem Ex parte dilectorum filiorum [] Abbatis et Conventus Monasterij de Insula missarum ordinis sancti Augustini Dumblanensis dioecesis fuit nobis humiliter supplicatum ut cum tam ipsi quam predecessores eorum possessiones redditus et quedam alia bona ipsius Monasterij datis super hoc litteris et interpositis iuramentis necnon et penis adiectis quibusdam clericis et laicis ad uitam nonnullis uero in perpetuum sub annuo censu concesserint in enormem ipsius Monasterij lesionem prouidere sibi super hijs de benignitate sedis apostolice curaremus Cum igitur persone delictum non debeat in dampnum ecclesie redundare fraternitati tue per apostolica scripta mandamus quatinus ea que de bonis predicti Monasterij per concessiones huiusmodi alienata inueneris illicite uel distracta non obstantibus premissis et etiam litteris confirmationis sedis apostolice in communi forma obtentis ad ius et proprietatem eiusdem Monasterij studeas legitime reuocare Contradictores per censuram ecclesiasticam appellatione postposita compescendo Datum Lugduni v Idus Julii Pontificatus nostri Anno Sexto