Charter Document - 06790077
| Charter Number: | 06790077 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1247 - 1250 |
| Date type: | Assigned |
| Resource Link(s): |
People of Medieval Scotland |
Charter:
M[alise] comes de stratheryn dilecto et fideli suo Bricio thano de dunin salutem Noueris nos dominum abbatem et conuentum de inchafran ad viginti marcas apud dunin de firma nostra medietatem ad festum sancti martini et aliam medietatem ad pentecosten singulis annis percipiendas assignase Quare uolumus et precipientes firmiter mandamus quatenus nulli balliuorum nostrorum siue nulli alicui alij nisi tantummodo abbati et canonicis de inchafran uel eorum assignatis de predictis viginti marcis ad predictos terminos persoluendis studeas respondere Et ut maiorem circa solutionem adhibeas diligenciam statuentes precipimus quod si infra octauum diem predictorum terminorum a solutione dictorum denariorum cessaueris penam xx solidorum qualibet septimana post predictum octauum diem apud nos incurras In huius rei testimonium sigillum nostrum presenti scripto patenti apposuimus