Charter Document - 06790075
| Charter Number: | 06790075 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1237 - 1258 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Fergusius filius Gilberti quondam comitis de stratheryn salutem in domino Nouerit vniuersitas vestra me dedisse concessisse et hac presenti carta mea confirmasse de me et heredibus meis deo et sancto Johanni apostolo et euangeliste de insula missarum et Abbati et canonicis ibidem deo seruientibus et seruituris inperpetuum vnam celdram farrine auene in villa de ouchtirmakan sibi et successoribus suis inperpetuum de me et heredibus meis per manus firmarij mei eiusdem ville annuatim percipiendam pro salute anime mee amicorum et antecessorum meorum et ad securitatem solucionis dicte farine dictis Abbati et canonicis ad festum sancti Johannis Baptiste in estate sine aliqua cauelacione annuatim faciendam me et heredes meos obligo inperpetuum In huius rei testimonium sigillum meum vna cum sigillis venerabilis patris Clement Dunblanensis episcopi et domini Malisio comitis de stratheryn huic scripto apponi procuraui hijs testibus Clement dei gracia episcopo Dunblanensi Malisio comite de stratheryn Magistro decano Dunblanensi Bricio de Dunyn Thoma clerico meo Malisio nepoti meo et alijs