Charter Document - 06790072
| Charter Number: | 06790072 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Ratification |
| Date: | 1240 - 1271 |
| Date type: | Assigned |
| Resource Link(s): |
People of Medieval Scotland |
Charter:
Uniuersis sancte matris ecclesie filijs hoc scriptum visuris vel audituris Robertus dei gracia abbas de scona et eiusdem loci conuentus humilis salutem in domino eternam noueritis nos communi consensu et voluntate capituli nostri illam vendicionem quam Willelmus filius hawoch de Perth viris religiosis abbati et conuentui de Insula missarum fecit ratam et firmam habentes presentis scripti nostri munimine roborasse volentes et concedentes quod dicti Abbas et conuentus dictam terram de nobis et successoribus nostris inperpetuum libere et quiete teneant et possideant faciendo nobis Idem seruicium quod prefatus Willelmus facere consueuit scilicet reddendo nobis quinque solidos annuatim medietatem ad Penticosten et medietatem ad festum beati Martini pro omni seruicio seculari saluo forinseco seruicio domini Regis Et nos predictam terram eisdem Abbati et conuentui contra omnes homines warantizabimus et defendemus In cuius rei testimonium hoc scriptum sigillo nostro communi roborauimus Teste capitulo