Charter Document - 06790070
| Charter Number: | 06790070 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1240 - 1249 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Willelmus filius hawok de perth salutem eternam in domino Noueritis me dedisse concessisse ac quitum clamasse pro me et heredibus meis inperpetuum deo et beate Marie et sancto Iohanni apostolo et euangeliste de insula missarum et canonicis ibidem deo seruientibus et inperpetuum seruituris pro quadam summa peccunie quam michi pre manibus in mea magna necessitate dederunt totum jus quod habeo et quod michi et heredibus meis competere poterit in futurum in terra quam prius tenui pro quadam certa firma annua de Ricardo de laycestria quondam burgensi de Perthe et postea de ipsis canonicis in villa de perth in via boreali Tenendum et habendum ipsis canonicis et eorum successoribus inperpetuum libere quiete plenaria et honorifice sine omni onere et sine omni clameo et calumpnijs mei et heredum meorum faciendo tantum domino nostro Regi de dicta terra seruicium debitum et consuetum Ego vero et heredes mei dictam donacionem dictis canonicis et eorum successoribus contra omnes homines et feminas inperpetuum warantizabimus et defendemus In cuius rei testimonium presens scriptum sigilli mei inpressione roboraui hijs testibus Iohanne kokyn Iohanne de labatil Iohanne Albot Nicholao de scardbrow Willelmo de Dunde Andree teket Henrico de bedford Ricardo de berewik et multis alijs