Charter Document - 06790069
| Charter Number: | 06790069 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Ricardus de laycestria burgensis de perth eternam in domino salutem Nouerit vniuersitas vestra me pro salute anime mee et an[te]cessorum meorum dedisse concessisse et hac carta mea confirmasse deo et beate marie et beato Iohanni Apostolo et euangeliste de Inchaffrin et canonicis ibidem deo seruientibus et seruituris in puram et perpetuam elemosinam totam illam terram que me contingit de terra Iohannis filij dauid que quidem terra jacet inter terram quondam Dauid filij Galfridi et terram Abbatis et conuentus de scona quam terram Willelmus filius hawok tenet de me et meis attornatis sibi et heredibus suis Tenendam et habendam sibi et successoribus suis inperpetuum ita libere et quiete sicut aliquod burgagium in villa de Perth liberius quiecius ab aliquo tenetur vel possidetur salua conuencione predicti Willelmi filij hawoch de sex decem solidis de predicta terra michi et attornatis meis de se et heredibus suis annuatim reddendis e[t] saluo seruicio domini Regis In cuius rei testimonium huic scripto sigillum meum vna cum sigillo communi de Perth apponi feci hijs testibus Magistro Roberto de laycistria domino henrico filio Galfridi domino Iohanne de Batalia Johanne sokyn Dauid yep Galfrido de len henrico de bedford et alijs actum apud Perth die sabbati prima post festum sancti Nicholai Anno gracie Millesimo CC quadragesimo