Charter Document - 06790068
| Charter Number: | 06790068 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Gilbertus de haya salutem In domino Nouerit vniuersitas vestra me pro salute anime mee et antecessorum meorum concessisse et hac presenti carta confirmasse Donacionem illam quam dauid de haya pater meus fecit deo et beate marie et sancto Iohanni apostolo et canonicis de Incheaffran ibidem deo seruientibus et seruituris de quatuor bollis frumenti percipiendis annuatim eisdem canonicis Preterea dedi et concessi pro salute anime mee et antecessorum meorum deo et ecclesie sancti Iohannis de Incheaffran et canonicis ibidem deo seruientibus et seruituris quatuor bollas frumenti annuatim percipiendas In terra mea de Inchemichel vnde uolo et concedo ut dicte quatuor bolle frumenti quas habent de dono patris mei et alie quatuor bolle frumenti quas eisdem canonicis dedi et concessi singulis annis Inperpetuum ab eisdem canonicis recipiantur In terra mea de Inchemichel Ita ut dicti canonici singulis annis Inperpetuum habeant Integram dimidiam celdram frumenti In dicta terra mea de Inchemichel scilicet quatuor bollas ante natale domini et quatuor bollas ante festum purificacionis beate uirginis In cuius rei testimonium huic scripto sigillum meum apposui Datum apud Incheaffran vigilia accessionis domini anno gracie MCC quadragesimo Hiis testibus Domino Malcolmo de haya auunculo meo Domino Willelmo de haya fratre meo Bricio de ardrossan Iohanne de fentone ada hylde Roberto de haya et aliis