Charter Document - 06790065
| Charter Number: | 06790065 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1238 |
| Date type: | Internal, A.D., Calendar, Episcopal |
| Resource Link(s): |
People of Medieval Scotland |
Charter:
Vniuersis sancte Matris Ecclesie filiis presens scriptum uisuris uel audituris Galfridus diuina permissione Dunkeldensis Episcopus eternam in domino salutem Noueritis nos ad plenum inspexisse bone memorie Iohannis primi Ricardi Iohannis secundi Hugonis et Gilberti predecessorum nostrorum Episcoporum scilicet Dunkeldensium donaciones concessiones et confirmaciones Monasterio de Incheafran quod Insula Missarum dicitur et Canonicis ibidem deo seruientibus et seruituris factas super Ecclesia de Maderdin cum omnibus pertinenciis suis et super Terra que Abthayn de Maderdin dicitur et super quieta clamacione de Chan et de Coneueth que Clerici Dunkeldenses antiquitus de eadem Abthayn percipere consueuerunt Et cum de iure non possemus nec uellemus eorum facto honesto iniuste contraire nec pias eorum collaciones pauperi Monasterio in prima sui fundacione factas infirmare nos eodem spiritu pietatis ducti quo et illi de consensu et assensu Capituli Ecclesie Dunkeldensis donaciones concessiones et confirmaciones dicte Ecclesie de Maderdin et predicte Abthayn et supradictam quietam clamacionem eisdem Canonicis factas ratas et gratas habentes concedimus et inperpetuum confirmamus salua nobis et successoribus nostris vna tantummodo Marca argenti annuatim de eadem Abthayn pro omni exaccione consuetudine et servicio seculari ad nos pertinente persoluenda ad duos terminos scilicet medietate ad Pentecosten et medietate ad festum sancti Martini sicut in predictorum Episcoporum autenticis inuenimus contineri Concedimus eciam Abbati et Canonicis prefati Monasterij et eorum successoribus in perpetuum ut predictam Ecclesiam de Maderdin in bonis temporalibus omnimodis in usus suos proprios pro sue uoluntatis arbitrio conuertant faciendo eidem Ecclesie per idoneum Capellanum uel si maluerint per aliquem Canonicum de suo collegio deseruiri saluis Episcopalibus In huius rei testimonium huic scripto sigillum nostrum apposuimus Datum apud Dunkelden anno gracie Millesimo ducentesimo tricesimo octauo Pridie kalendas Ianuarii Pontificatus nostri anno tercio Testibus Domino Adam de Prebenda Decano Ecclesie Dunkeldensis Magistro Petro de Castro Theodorico eiusdem Ecclesie Precentore Magistro Willelmo de Edenhame eiusdem sedis Archidiacono Domino Roberto Thesaurario Domino Willelmo Subdecano Domino Malcolmo Succentore Magistro Roberto de Laycestria concanonico nostro et aliis