Charter Document - 06790063
| Charter Number: | 06790063 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1237 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus [hoc] scriptum visuris vel auditurus Duncanus de Melginch salutem in domino cum essem conuentus ab Abbate et conuentu de insula missarum auctoritate judicum a domino papa diligatorum videlicet domini Abbatis de Abirbrothok et de Maij prioris et hoc per quamdam cartam patris mei per quam scilicet dicti Abbas et conuentus vendicabant sibi medietatem totius terre de Drumkroc in parrochia de Melginch cognita autem rei veritate deum habens pre oculis nolens amplius ipsos laboribus et expensis iniuste vexari predictam terram sponte et absolute eisdem in judicio quietam clamaui inperpetuum et si quid juris potuit michi competere ex persona mea vel antecessorum meorum vel aliunde in dicta terra hoc totum deo et beato Johanni et dictis Abbati et conuentui in redempcionem anime mee vxoris et liberorum meorum necnon pro anima patris mei et an[te]cessorum meorum in puram et perpetuam elemosinam dedi et hac presenti carta mea confirmaui Et vt hec concessio robur firmitatis optineat inperpetuum huic scripto sigillum meum vna cum sigillis dictorum judicum necnon et sigillo venerabilis patris philippi dei gracia Abbatis de scona qui huius testis est feci apponi Datum apud sconam ad festum sancti Michaelis Anno gracie MCCXXXVIJ hijs testibus Domino philippo Abbate et domino h priore de scona domino Ricardo priore de kambuskenelle et Magistro Johanne Rectore ecclesie de striuillyn Patricio filio Willelmi vicecomite de Perth et multis alijs