Charter Document - 06790060
| Charter Number: | 06790060 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1234 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus Sancte Matris Ecclesie filiis presens scriptum visuris vel audituris Gilbertus Dei gratia Dunkeldensis Episcopus et Iohannes et Philippo eadem gratia de Lundors et de Scon Abbates humiles eternam in Christo Salutem Cum mota esset controversia inter venerabilem patrem Dominum Clementem Dunblanensem Episcopum ex una parte et Dominum Innocentium Abbatem et Conventum de Insula Missarum ex altera super Ecclesijs de Aberrotheven et de Thullieden et super decimis provenientibus de reditibus et omnimodis perquisitis Domini Comitis de Stradhern que secunde decime appellantur Que omnia idem Episcopus petebat Dicens ea nomine Ecclesie sue ad mensam suam pertinere Tandem per consilium proborum virorum idem Episcopus pro se et successoribus suis de consensu et assensu totius cleri Dunblanensis ad quem Episcopi pertinet electio nec non et assensu Domini Roberti Comitis de Stradhern ejusdem sedis Patroni Et dicti Abbas et Conventus pro se et successoribus suis in nos compromiserunt super dictis articulis necnon et super omnibus alijs ecclesijs et possessionibus tunc temporis eis collatis et concessis Tali pena adjecta quod si idem Episcopus vel aliquis successorum suorum ab arbitrio nostro vellet resilire Inprimis si quod commodum Ecclesie sue per arbitrium nostrum proveniret illud parti adverse restitueret et nihilominus ad fabricam pontis de Pert nomine pene ducentas libras sterlingorum ante litis ingressum persolueret Et si Abbas et conventus vel successores sui a nostro arbitrio vellent resilire eidem ponti nomine pene trecentas libras ante litis ingressum persolverent Nos igitur partibus in nostra presentia constitutis et auditis hinc inde propositis et habito super propositis diligenti tractatu Tandem de virorum prudent[i]um consilio ita ordinavimus videlicet quod idem Episcopus pro se suisque successoribus nomine Ecclesie sue remitteret omnem actionem quam intendebat et renunciaret omni juri quod petebat vel credebat se habere super predictis Et quod dicti Abbas et Conventus dicto Episcopo et successoribus suis nomine Ecclesie Dunblanensis annuum redditum sex decem librarum sterlingorum arbitrio bonorum virorum taxatum certis locis assignarent Partes vero istud nostrum arbitrium acceptantes ut robur perpetue firmitatis obtineret illud in scriptum modo cyrographi confectum redigi petierunt Cujus altera pars sigillis nostris una cum sigillo dicti Episcopi penes supradictum Monasterium de Insula Missarum altera vero similiter sigillis nostris et sigillo Capituli ejusdem Monasterij signata penes dictum Episcopum resideret Datum Anno ab incarnatione Domini MCCXXX iiii Mense Augusti