Charter Document - 06790059
| Charter Number: | 06790059 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1230 - 1236 |
| Date type: | Assigned |
| Resource Link(s): |
People of Medieval Scotland |
Charter:
Vniuersis sancte Matris ecclesie filijs presens scriptum visuris vel Audituris Gilbertus miseracione diuina ecclesie Dunkeldensis minister humilis eternam in cristo salutem Nouerit vniuersitas vestra nos diuine pietatis intuitu concessisse et hac carta nostra confirmasse carissimis in cristo filijs domnis Abbati et conuentui de insula missarum ecclesiam de Maddirdyn cum omnibus justis pertinencijs suis et terram que Abthen de Maddirdyn dicitur cum omnibus pertinencijs suis Tenendas sibi et successoribus suis de nobis et successoribus nostris inperpetuum in vsus suos proprios prout in cartis venerabilium Johannis Ricardi Johannis Hugonis predecessorum nostrorum plenius dicitur contineri Ratum et gratum habentes pro nobis et successoribus nostris quietam clamacionem cani et coneueti quod clerici Dunkeldenses percipere consueuerunt de Abthan de Maddirdyn quam videlicet quietam clamacionem tam venerabilis predictus Hugonis quam capitulum Dunkeldense prefatis Abbati et conuentui caritatiue fecerunt vt hec autem nostra concessio confirmacio necnon et ratihabicio futuris temporibus inuiolata permaneat huic scripto sigillum nostrum apposuimus Testibus dominis Thome et R capellanis nostris Magistro W Johanne R camerario H clericis nostris M decano A H R Willelmo seruientibus nostris et Multis alijs