Charter Document - 06790057
| Charter Number: | 06790057 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1226 - 1234 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte Matris ecclesie filiis presens scriptum uisuris uel audituris Robertus de Meggefen Salutem Sciant presentes et futuri me ex assensu domine Soliue uxoris mee et liberorum nostrorum dedisse et concessisse et hac carta mea confirmasse Deo et beate Marie et beato Iohanni apostolo et euangeliste de Insula Missarum et abbati et conuentui eiusdem loci in puram et perpetuam elemosinam duo tofta et quatuor acras terre in uilla de kenandheni que alio nomine [d]ici[tur] Dolpatric videlicet toftum in quo Alanus de kyntocher mansit eo tempore quo hanc cartam meam eis dedi cum ac[ra que] pertinuit ad idem toftum tempore predicto et cum edificiis que tunc erant super idem toftum et toftum et terram que [tunc i]acuerunt inter domum Ricardi et domum Malsnacht et illam terram quam addidi eis alibi in agro ad perficiendum pre[dictas qu]atuor acras et pasturam uiginti uaccarum et sexaginta ouium et duorum equorum cum omnibus aliis communibus aysiamentis prenominate uille Dolpatric Tenendum sibi et possidendum de me et heredibus meis plenaria et honorifice et libere et quiete ab omni exactione et seruicio seculari Ego uero et heredes mei prefatam elemosinam predictis abbati et conuentui contra omnes homines warantizabimus et totum forinsecum seruicium quod ad iam dicta pertinuerit pro eis inperpetuum acquietabimus Hiis Testibus Domino Ricardo comite de stradhern Domino Fergus fratre ipsius Domino Rogero de luuetoft predicta domina Soliua uxore mea Philippo et Roberto filiis nostris magistro C clerico predicti comitis Bricio de Dunin Magistro Henrico filio tristram Tristram de Gortin et Multis aliis